Dang Seva Mandal

भारतीय संस्कृती ज्ञान परीक्षा - २०२२ चे आयोजन
पेठ ता. १५- अखिल विश्व गायत्री परिवार शांतीकुंज, हरिद्वार व डांग सेवा मंडळ नाशिक यांच्या संयुक्त विद्यमाने, डाॅ. विजय बिडकर विद्यालय व कनिष्ठ महाविद्यालय, पेठ येथे विद्यार्थ्यांमध्ये मानवी मूल्यांचा विकास करणे, त्यांच्यात सांस्कृतिक संवेदना जागृत करणे, भारतीय संस्कृतीचा परिचय करुन देणे, सांस्कृतिक व आध्यात्मिक मूल्यांना दैनंदिन जीवनात स्थान देणे इ. उद्देश डोळ्यासमोर ठेवुन भारतीय संस्कृती ज्ञान परीक्षा घेण्यात आली. या परीक्षेत इ.८ वी ते १२ वी पर्यंतची एकुण ३०४ विद्यार्थी सहभागी झाले होते. त्यात इ. ८ वी - ११, इ. ९ वी - ४४, इ. १० वी - ५६, इ.११ वी १०१ व इ. १२ वी ९२ समावेश आहे.  या परीक्षेसाठी डांग सेवा मंडळ संस्थेच्या अध्यक्ष श्रीमती हेमलताताई बिडकर, भारतीय ज्ञान परीक्षेचे अध्यक्ष जयंतीभाई नाई, संस्थेचे संचालक श्री अ.प्र.देशपांडे सर प्रमुख पाहुणे म्हणून उपस्थित होते. तसेच विद्यालयाचे मुख्याध्यापक श्री पाटील आर. एम., उपमुख्याध्यापक श्री सागर ए.एम., पर्यवेक्षक श्री मोरे एम. एस., उपप्राचार्य श्रीमती पवार जे.पी., श्री आहेर डी. टी. यांच्या उपस्थितीत परीक्षा सुरळीत पार पडली.